Комазан Башында “Гармун уйнатыйк әле” конкурсы узган

Монда авылның оста тальянчылары, гармун-баянчылары катнашкан.
– Авылда үскән кем генә гармун моңын искә алып үткән яшьлеген, авылын сагынмый икән? Гармун моңы иң авыр чакларда да кешенең күңелен күтәргән, шатландырган, юаткан. Яшь вакытларны искә төшереп, киләсе буынга үрнәк итеп оештырдык бу конкурсны. Конкурста “Карендәшләр” ансамбленең гармунчысы Станислав Сергеев, гармунчы сәхнә ветераны Илья Осипов, Георгий Петров, Михаил Романов үзләренең матур чыгышлары белән безне сөендерделәр”, – дип хәбәр итте мәдәният йорты директоры Мария Андреева. Соңыннан, “Карендәшләр” фольклор ансамбле башкаруында “Гармун уйнатыйк әле” җыры яңгыраган.