Клавдия Максимова: “Тынычлык күгәрченнәре илебезгә, йортыбызга иминлек китерсен”

Бураннары белән көтеп алган бәйрәмебез Качману да җитте.

”Бәйрәм киче пешеренүдән башланды. Керәшеннәрдә Качману мунчасы ягып юынып чыкканнан соң, күмәчләр пешерелә. Алар мал сыннары формасында ясала.
Мин дә, иң беренче, өстәл уртасына тынычлык күгәрчене пешереп утырттым. Тынычлык күгәрченнәре илебезгә, йортыбызга иминлек китерсен. Аннан соң, “Һәрвакыт күктә көндез кояшыбыз,төнлә аебыз якты янсын" дип, кояш белән айның сурәтен камырдан әвәләп пешердем. Өстәлемлә мал сыннары, үрдәкләр урын алды. Кыстыбый, коймак, дурычмаксыз да булмый да инде ул безнең керәшеннәрнең табыны”,– диде ул.