Клавдия Максимова: «Балаларымны, туганнарымны сагынганда чигү чигәм»

Кабан-Бастрык авылында яшәүче Клавдия Максимова чигү белән шогыльләнә башлаган. Туганнарны, балаларны, дусларны сагынганда буш вакытын чигү чигеп уздыра икән.

«Эш тапмагын, эш тапкан!», — дигән мәкаль бар бит. Шуның кебек мин дә, тик утырганчы дип, эш таптым әле үземә. Чигү чигә башладым. Үземнең киленнәремә, оныгыма алъяпкычлар чиктем. Хәзер менә тәре алъяпкычы да чигеп карыйм дип тотындым әле. Бездә, керәшен халкында, кунакларны ипи тоз белән каршы ала торган матур йолабыз бар бит. Туганнар, дуслар, кунаклар килгәндә каршы алырга дип язулар белән сөлге чиктем:
«Тәмле ризыклар пешердем, 
Сез килгәчтен сезне сыйларга
Матур җырларымны әзерләдем
Сезне каршылаганда җырларга»", – дип уртаклашты Клавдия Максимова.