Хезмәт хаклары арта

Татарстанда узган ел уртача айлык хезмәт хакы, 2020 ел белән чагыштырганда, 5,8 процентка арткан. Татарстан икътисад министрының беренче урынбасары Олег Плевин шулай дип белдергән.

2022 елның янвраенда бездә уртача хезмәт хакы 46 мең 324 сумга җиткән, ди. Уртача дигәндә, иң күп акча алучы белән тиеннәргә генә эшләп йөрүченең акчасы бергә кушып исәпләнлегәнен истә тотарга кирәк, әлбәттә.

Айлык иң күп хезмәт хакы файдалы казылмалар чыгару тармагында – 71 мең 400 сум, элемтә, финанс һәм иминият (страхование) эшчәнлеге белән шөгыльләнүчеләрнеке – 65 мең 200 сум. Фәнни һәм техник эшчәнлек өлкәсендәгеләр – 63 мең 300 сум, ә мәгариф хезмәткәрләре – уртача 36 мең 400, сәламәтлек саклау һәм социаль хезмәт күрсәтүчеләр – 43 мең 100 сум, мәдәният, спорт тармагында көч түгүчеләр һәм, шулай ук, күңел ачуны оештыру белән шөгыльләнүчеләр аена 49 мең 500 сум ала, ди.