Казан керәшеннәре православие күргәзмәсендә

Башкалабызда 19-23 февраль көннәрендә Санкт-Петербург шәһәреннән "Рухи мирас" иҗади берләшмәсе инициативасы белән оештырылган Православие күргәзмәсе эшләде. Анда Казан шәһәре керәшен оешмасы членнары да актив катнашты. 23 нче февральдә көндезге сәгать уникедә керәшеннәрнең чиркәү телендә молебен булды. Аны Татарстан митрополиясенең керәшен приходлары благочинные отец Павел Павлов үткәрде. Чарада керәшеннәр тарихы турында документаль фильм күрсәтелде. Очрашу Мария Семенова җитәкләгән "Мишә буйлары" фольклор ансамбле чыгышы белән тәмамланды. Очрашу кунакларына Евангелияләр бүләк ителде.