Кайбыч музеенда ветераннар катнашында очрашу үткәрелгән

Кайбыч районының Галия Кайбицкая музеенда Хужа Хәсән һәм Борындык авылыннан ветераннар катнашында очрашу узган.

“Очрашуда район ветераннар советы рәисе Рушания Лутфуллина һәм пенсия фонды җитәкчесе Гөлчәчәк Зиннурова да бар иде. Чараны музей җитәкчесе Чулпан Галимулловна ачып җибәрде һәм очрашу проекты белән таныштырды. Беренче күргәзмә Хуҗа Хәсән авылында яшәүче ветеран Альбина Губееваның кул эшләреннән оештырылды. Альбина мастер класс күрсәтте. Бәйләу, чигү кебек кул эшләренең асылын ачып бирде. Ветераннарга пенсия фондында үзгәрешләр һәм яңалыклар турында аңлатма бирелде. Шулай ук мошенниклар җәтмәсеннән саклану чаралары турында да искәртеп уздылар. Шулай ук, ветераннар советы планнары белән таныштырдылар, авыл җирлекләрендәге ветераннар рәисләре белән төрле очрашулар, чаралар оештырып, бу чаралар һәр җирлектә дә уздырылып, халыкка җиткерергә дигән теләктә оештырылуын искәрттеләр. Очрашу түгәрәк өстәл артында, конкурслар һәм җырлар белән бәйләнеп барды. Бу очрашулар еш булып торсын, еллар имин булсын дигән теләктә таралыштык», – дип сөйләде Ольга Михайловна..