Иванайдан Нина Евдокимова: “Гармун – кечерәк кенә, җансыз, телле тартма ул”

Анда Иванай авылыннан бик матур итеп, атлар киендереп төшкән кунаклар да бар иде. Авылның клуб җитәкчесе Нина Евдокимова бәйрәм турында болай диде:

- Гармун - кечерәк кенә, җансыз, телле агач тартма ул. Ә гармунчы шушы телләргә йөрәк авазларын бармакларга күчереп, берсеннән-берсе матур авазлар, моң чыгаручы. Казаклар Чаллысы авылында үткән "Эх, гармуннар уйный белсәм..." гармунчылар фестивалендә Иванай авылы исеменнән Георгий Афанасьев катнашты. Активлыгы өчен диплом белән бүләкләнде. Фестивальгә Алан-Полян, Кызыл Йолдыз, Үри, Бирдебәк, Котлы Бөкәш, Олы Мәшләк, Таулар, Биектау, Тегермәнлек, Олы Елга, Балтач авылларыннан һәм Балык Бистәсеннән оста гармунчылар җыелган иде. Алар килгән кунакларны берсеннән-берсе матур чыгышлары белән сөендерделәр.