Янсуар авылы часовнясы ачылуга җиде ел тулу уңаеннан келәү узды

27 октябрь көнне Янсуар авылы часовнясы ачылуга җиде ел тулу уңаеннан, Керәшен Сәрдәсе авылы чиркәве настоятеле отец Димитрий Сизов келәү уздырды. Ул үлгәннәр өчен теләк итте.

Бу иман йорты йорты Талкыш, Тегермән тавы һәм Янсуар авылларына уртак булган зират янында, әллә каян күренеп, горур гына басып тора.

“Әлеге келәүне оештыручы бертуган Сергей һәм Альберт Смирновларга рәхмәтебез чиксез. Ә рәхмәтнең иң олысы киң күнелле, игелекле, олы йөрәкле малайлар үстергәне өчен әниләре – Анна түтигә. Дөньялар тыныч, имин булсын. Балаларыбыз, оныкларыбыз, якыннарыбыз исән-сау булсыннар”, – дип язды Янсуардан Екатерина Яковлева.

Фотода: Анна түти уллары белән.