Яков Емельянов исемендәге мәдәни үзәк балаларга Май чабу бәйрәме оештырган

16 февральдә Яков Емельянов исемендәге мәдәни үзәк белгечләре Казан шәһәренең 187нче күп профильле лицее укучылары өчен "Май чабу" интерактив программасын уздырды. Кунакка 4-5 класс укучылары килде.

– Балалар белән бергәләшеп Май чабу атнасы буенча сәяхәт кылдык, кызыклы уеннар уйнадык, җырладык, биедек һәм, әлбәттә, тәмле коймак-беленнәр белән сыйландык. Әле фотога төшергә дә өлгердек. Көн җилле булса да, аннан курыкмадык, рәхәтләнеп ял иттек, – дип хәбәр итте Җәкәүлеләр.

Ә өченче көнне, 15 февральдә, Җәкәүлеләр Казан шәһәре Яңа Савин районының 13 нче гимназиясендә булып кайтканнар. Анда да балалар өчен Май чабу бәйрәме уздырганнар. Күңелле уеннар, керәшен җыру-биюләрен башкарганнар. 

Балалар бәйрәмне ошатканнар.

Фото: Яков Емельянов исемендәге мәдәни үзәк
 

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.