Файдасын белеп үбешегез!

Туганайлар, 6 июль 2023 - 15:36

487

6 июль - Халыкара үбешү көне! Үбешүнең кеше организмы өчен файдалы булуын күпләр ишетеп белә. Бәйрәм көнендә махсус берничә кызыклы факт.

1. Үбешү биттәге 29 мускулны хәрәкәткә китерә, бу исә җыерчыклардан менә дигән профилактика булып тора.

2. Үбешкәндә гашыйклар бер-берсенә файдалы микроэлементлар (май, аксым, тоз) күчерә, нәтиҗәдә иммунитет ныгый.

3. 66% кешеләр күзләрен йомып үбешүне рәхәт дип белдерә, калган 34% әлеге процессны күзәтүдән ләззәт ала.

4. Эшкә киткәндә хатыннарын үбеп китүче ир-атлар 5 елга артыграк яши.

5. Романтик үбешү 2-3, француз үбешүе 5-10 калорияне «яндыра».

6.Бер минут туктаусыз үбешүдән 29 калория юк ителә.

7.Иренннәрнең сизгерлеге бармакларныкына караганда 200 тапкыр зуррак.

Бәйрәм белән дуслар! Файдасын һәм тәмен белеп үбешегез!