“Эх, гармуннар уйный белсәм” проектының беренчесе Казаклар Чаллысында узган

Аны беренче итеп иң актив авылларның берсе – Казаклар Чаллысында үткәргәннәр. Бәйрәм матур узган. Әлеге күңелле мизгелләр турында безгә авыл клубының сәнгать җитәкчесе Сергей Новиков сөйләде:

- "Эх, гармуннар уйный белсәм" проектын район мәдәният бүлеге тәкъдим итте. Бу хакта без алдан сөйләшкән идек алар белән. Мин үз фикеремне белдереп, авыллар саен үткәрергә мөмкин дигән идем. Хәзер дүрт зонага бүлеп үткәрергә планлаштырылды. Авылдан дүрт гармунчы катнашты, кайталмаучылар да булды. Районнан бүләккә дипломнар әзерләнгән иде. Авыл җирлеге исеменнән дә рәхмәт хатлары һәм бүләкләр тапшырдык. Чын кыш бабайча булды. Барлык катнашучылар рәхмәтләрен җиткереп торалар, – диде ул.

Бәйрәм бик матур булып үткән, гадәттәгечә коймак та пешергәннәр, уеннар да уйнаганнар.