Чуралылар актив томышта яшиләр

Клуб хезмәткәрләре, ансамбльләргә йөрүчеләр, авылда узган бер генә бәйрәмне дә калдырмый.  Районда, тирә-күрше авылларда үткән күп кенә мәдәни чараларда да актив катнашалар. Яңа ел, Рождество бәйрәмнәре дә алардан башка узмый.

“Без һәр бәйрәмне көтеп алабыз, быелгы елны да матур гына башлап җибәрдек. 8 январь көнне "Киндеркуль" паркында Кыш бабай резиденциясендә булып кайттык. Балаларга төрле уеннар уйнаттык, Кыш бабай күчтәнәчләр өләште, бик күңелле булды.

7 январь көнне район мәдәният йорты сәхнәсендә Рождество бәйрәме уңаеннан уздырылган күңелле чарада катнаштык. Күк йөзе аяз, илләр тыныч, бәйрәмнәр күңелле, hәр кешенең күңеле көр, гаиләләр имин булсын иде! Әле 5 январь көнне Кукмараның Комсомол мәйданында "Итекfest" бәйрәме гөрләп үтте. Без дә бу бәйрәмдә булдык”, – дип хәбәр иттеләр мәдәният йорты хезмәткәрләре.