18 яшькә кадәрге балалар Татарстанның 10 музеена бушлай керә алачак

2022 елның 15 ноябреннән 31 декабрьгә кадәр 18 яшькә кадәрге балалар ата-аналары озатуында (1 бала һәм 1 озата баручы) ТР Мәдәният министрлыгы карамагындагы музейлар һәм музей-тыюлыкларга бушлай керә алачак.

Биредә түбәндәге музейлар хакында сүз бара:

. «Казан Кремле» дәүләт тарихи-архитектура һәм сәнгать музей-тыюлыгы;

. Биләр дәүләт тарихи-археология һәм табигать музей-тыюлыгы;

. Болгар дәүләт тарихи-архитектура музей-тыюлыгы;

. «Зөя утрау-шәһәрлеге» дәүләт тарихи-архитектура һәм сәнгать музей-тыюлыгы;

. Татарстан Республикасы Милли музее;

. Менделеевск шәһәренең туган якны өйрәнү музее;

. Галия Кайбицкая музее;

. Татарстан Республикасының Актаныш районы туган якны өйрәнү музее;

. Габдулла Тукай дәүләт әдәби-мемориаль музей комплексы;

. Татарстан Республикасы дәүләт сынлы сәнгать музее.

Татар-информ