Минзәләдән Токаревлар хәйриячелек белән дә шөгыльләнә

Аларның гаилә бизнесы бар. Камыр ризыклары пешереп саталар. Алай гына түгел, Токаревлар хәйриячелек белән дә шөгыльләнә. Авыру балаларга, чиркәү-мәчетләргә камыр ризыклары тараталар, мастер-класслар оештыралар. Махсус хәрби операция башлангач, “Үзебезнекеләргә булышыйк” дигән волонтерлар төркеме ачылды. Кем ничек ярдәм итә ала, шулай булыша. Луиза Мирасовналар гаиләсе моннан да читтә калмый. Хәрбиләргә чәкчәк әзерләп җибәрә.

“Бозылмый торган ризыклар кирәк дигәч, чәкчәк тәкъдим иттем. Район халкы көн дә йомырка, май, бал китерәләр. Сеңлем Эльвира белән шулардан чәкчәк ясыйбыз. Бер ел эчендә 1,5 тонна әзерләдек. Чәк-чәкне махсус операциядәгеләрнең барысына да, госпиталь, медчастьларга да алып китәләр – ди ул.

 

Луиза Мирасовна үз ягындагы керәшен бәйрәмнәрен дә онытмый, анда да татлы күчтәнәчләреннән өлеш чыгара.