Кәвәллеләр авылның яме булган чишмәләрне кадерләп, чистартып тора

Питрәч районындагы Кәвәл авылының да көмештәй саф сулы чишмәсе бар. Изге күңелле кешеләр чишмәләрне төзекләндереп тора. Узган ялларда да авыл халкы чишмә тирә-ягын чистартып, тәртипкә китерделәр.

“Авылның ямен җибәрмиләр, быел гына да күп тапкырлар чишмә буйларын җыештырдылар, зиратны чистарттылар. Алланың рәхмәтләре яусын! Безнең авыл кешеләре тырыш, эш сөючән алар. Без, читтә яшәүчеләр еш кайта да, ярдәм дә итә алмыйбыз”, – дип сөйләде авылдашлары Нина Хәсәнова.