Клара Булатова: "Күптән инде хатлар килми миңа..."

Эчтән генә көйли...

Ничә тапкыр яфрак ярды каен,

Ничә тапкыр койды яфрагын,

Ничә тапкыр синен каеныңа

Ялгыз гына килдем мин тагын.

Ялгыз гына килдем, ишетим дидем

Яшерен серен үткән елларның...

Каеның да эчтән генә көйли

Ил яңгыратыр сөю җырларын.

***

Күптән инде хатлар килми миңа

Син яраткан зәңгәр букчада.

Килми хатлар Яңа ел туса да,

Язлар алмашынып торса да.

Килми хатлар синнән.

Элек-элек, байтак еллар элек

Синең кулың белән язылган

Шигырьләрне, догалыклар кебек.

Калдырмыйча йөртәм янымнан.

Әйтерсең лә алар тапталудан

Мине саклый торган талисман.