Керәшен халык җыруы: “Сандугач сайрыйдыр”

(Дүсмәт авылы көе)

Туп-туп баскан тугры атның

Тубыклары җәшел ут.

Төшмәсен гыйшык матурга

Гомерләргә сүнмәс ут.

Кушымта:

Сандугач сайрыйдыр кайларда

Төлке тун, камчат бүрек байларда.

Акбүз атларның аппагы

Ак чәчәкне таптамас.

Сөйгән ярлар уңган булса,

Сине утка ташламас.

Кушымта.

Сандугач булсам, бакчада

Бер агач сайлар идем.

Шул агачтан сине мактап

Иртә-кич сайрар идем.

Кушымта.

Читек киям, читек киям,

Киям җиңеллек өчен.

Айга түгел, елга түгел

Сөям гомерлек өчен.

Кушымта.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.