Татарстанда киләсе атна башына кадәр аномаль җылы һава торышы саклана

Синоптиклар әйтүенчә, төньяк киңлекләр буйлап бер-бер артлы хәрәкәт итүче атлантик циклоннар салкын арктик һавага континент эченә керү юлын япкан, ә көнбатыш агымнар белән Россиянең Европа территориясенә бик җылы һава килә башлаган.

Өстәвенә, республика көньяк-көнчыгыш антициклон перифериясе йогынтысында калды, шул сәбәпле төбәк территориясендә явым-төшем көтелми. Якын көннәрдә Татарстанда һәм һава торышы сизелерлек үзгәрмәячәк, дип ачыклык кертте метеорологлар.

Төнлә һава температурасы 0..-5 градуска, түбән урыннарда аязганда -10 градуска кадәр төшә, ә көндез +2..+8 градуска кадәр күтәрелә Уртача тәүлеклек температура нормадан 4-5 градуска югарырак булачак. Бу чорда сизелерлек явым-төшем көтелми.

Шул ук вакытта, температура күтәрелү һәм кар эрү шартларында урыны белән юлларда көчле бозлавык фаразлана.

Татар-информ

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.