Иске Зәйнең «Факел» клубында тәрбияләнүчеләр Кашкатауда булганнар

Бу сәяхәт гади генә саф һавада йөрү түгел, ә егет-кызларның ел дәвамында дәресләрдә үзләштергән күнекмәләрен чын-чынлап сынау да булды.

Палаткалар кору, учак ягу, ориентлашу һәм командада эшләү – клубта өйрәнелгәннәрнең барысы да  кыр шартларында гамәли практикада кулланылды. Егет-кызлар бик күңелле ял иттеләр, энергия тупладылар һәм тагын да ныграк берләштеләр. 

Зәй районы башлыгы урынбасары Петр  Уразайкинның килүе алар өчен күңелле сюрприз булды.

Петр Сергеевич факеллыларның әзерлеген бәяләде, аларны зирәклекләре һәм дисциплиналары өчен мактады, шулай ук кыйммәтле киңәшләр бирде һәм киләчәктә яңа биеклекләрне яулауда уңышлар теләде!

Фотолар “Факел” клубыннан.

Зәй-информ