Ясминур Гыйззәтуллина: «Ксения Александрова «үз көче белән» дигән сүзгә үрнәк булырлык кеше»

Ксения, чын мәгънәсендә, «үз көче белән» дигән сүзгә үрнәк булырлык кеше. Аның активлыгы мәктәп елларыннан ук башлана. Менделеевскида укыган вакытында да ул авыл тормышыннан читтә калмады. Сәйтәкнең «Карендәшләр» керәшен ансамбле белән һәр чарада катнашты.

Аерым җырлап, бәйгеләрдә алдынгы урыннарны яулады. Аның таланты район, республика күләмендә дә танылды. Ике ел рәттән «Кряшен чибяре» бәйгесендә катнашып, туган авылының исемен лаеклы яклады. Бүген Ксения Казан милли тикшеренү технология университетының 2нче курс студенты. Укуында да зур уңышлар яулый, һәрчак алдынгылар рәтендә.

«Туым жондызы» конкурсында I урынга лаек булды. «Бәрәкәт» керәшен яшьләре оешмасы эшчәнлегендә актив катнаша. Ксения кайда гына булса да, үзенең кече Ватанын онытмый. Без бер-беребезгә ярдәмләшеп, тыгыз элемтәдә яшибез.

Ясминур Гыйззәтуллина фотолары.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.