Яр Чаллыда керәшен культурасына багышланган викторина булган

Бу интеллектуаль ярыш кына түгел, ә үткәнгә чын сәяхәт булган. Катнашучыларга керәшен йолалары турында сөйләгәннәр; Питрау һәм Нардуган кебек үзенчәлекле бәйрәмнәр һәм аларның халык тормышындагы әһәмияте турында белгәннәр; шулай ук, милли ризыклар, традицион кием, көнкүрештә кулланыла торган кирәк-ярак белән дә танышканнар.

Төрле бәйрәмнәрдә башкарыла торган җыруларрны тыңлап, фольклор мирасының уникальлеген бәяләгәннәр.

«Викторинада катнашу – үз белемнәреңне тикшерү генә түгел, ә ниндидер яңалык белү, кызыклы танышулар булдыру һәм дусларың белән вакытны файдалы уздыру мөмкинлеге дә ул», – дип яза оештыручылар.

Фото: «Родник» халыклар дуслыгы йорты

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.