Бирдебәк һәм Үри Чаллысы түтиләре токмач кисә

Авылдашларына дип волонтерлар токмач кисәләр, урын-җир кирәк-ярагы тегәләр, маскировка челтәрләре үрәләр.

«Бирдебәк һәм Үри Чаллысы авыллары кечкенә генә булса да ике батыр егетебез илебезне яклауда катнаша. Аларны тәрбияләп үстергән гаиләләргә авыл халкы һәрвакыт ярдәмдә.
Кулларыбыздан килгәнчә, ничек тә яу кырындагы егетләргә дә ярдәм итәсебез, булышасыбыз килә. Шул уңайдан, авыл клубында егетләребез өчен токмач кисү өмәсе оештырдык.
 3 сәгать дигәндә, уңган куллар 210 күкәйгә токмач басып, аны кисеп, киптереп тартмаларга тутырып куйдылар. Онын да, күкәйне дә томач кисүчеләр үзләре алып килгән иде», – дип хәбәр итте клуб җитәкчесе Евдокия Толстова.

Евдокия Толстова фотосы.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.