Әлбәдән авылында Батыр агачы утыртылды

Бу көнне Питрәчтә аерым кунаклар – Беларусь республикасы вәкилләре, халыкара «Батырлар агачы» патриотик проекты җитәкчеләре Алексей һәм Елена Манец булды.

Көннең төп вакыйгасы – Әлбәдән авылында истәлекле чыршы утырту. Тугандаш Белоруссиядән китерелгән бу агач, Советлар Союзы Герое, майор Петр Гавриловның туган авылында утыртылды.

Тантаналы  «Юнармия» вәкилләре, «ФОРПОСТ» һәм «Беренчеләр хәрәкәте» активистлары катнашты. Чыршыны утыртканда, символик рәвештә, үсенте төбенә, Петр Гаврилов яшәгән Краснодар крае туфрагы салынды. Чыршыга Белоруссиянең Буг елгасы суы сибелде.

Бу үсенте – буыннарның ныклы бәйләнеше һәм халыклар дуслыгы символы. Ул Питрәч районына килүчеләрне җәлеп итәчәк.

Фото: Пестричинский муниципальный район

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.