Тоз белән давалану

Тоз белән дәвалау ысулын онытып бетермик!
Ул үзенә агулы матдәләрне сеңдерә, ялкынсыну процессларын баса, кан әйләнешен яхшырта. Тәндәге инфекцияле яраларны, үлекләрне, пешкән урыннарны дәваларга булыша. Буын, сулыш алу органнары авыруларыннан да, гипертониядән, ангина, ютәл булганда, салкын тигәндә, баш авыртудан да файдалы.
Кирәк була: ике аш кашыгы эре гади тоз, 200 мл су (балага булса, 250 мл), сигез катлы киң стериль бинт (яки зур булмаган сөлге).
Кайнар суга тоз салып эретәбез дә бинт яки сөлгене шуңа манабыз һәм сыгабыз. Бинт җиңелчә дымлы булырга тиеш. Аны авырткан урынга куеп, өстеннән бинт белән бәйләп куябыз.
Иң мөһиме: тәнгә крем, лосьоннар кулланырга ярамый.
Тозлы компрессны төнгә куллану җайлырак, чөнки ул сигез-ун сәгать торыра тиеш.
Ютәл булганда, күкрәк өстенә (муеннан корсакка кадәр), аркага куябыз.
Баш авыртканда, салкын тию билгеләре булганда, баш тирәли бәйләп куябыз.
Кулланыр алдыннан табиб белән киңәшләшергә онытмагыз!

Чыганак

Фото:https://pixabay.com/ru