Пицца камыры әзерләү ысулы

Кирәк булачак: 1 стакан су, 450 грамм он, 1 пакет (10 грамм) коры чүпрә, 1-2 аш калагы манный ярмасы, 1 аш калагы тоз,1 аш калагы шикәр комы, 2 аш калагы зәйтүн мае.

Җылы суга тоз, шикәр комы, чүпрә салып эретәбез. Онның яртысын салып болгатабыз. Чын Италия пиццасы өчен, гадәттә дурум оны яки семолин кулланыла. Аны гади манный ярмасы белән алыштырырга була. Соңыннан зәйтүн мае һәм калган онны салабыз. Камырны басканнан соң, җылы урынга куябыз. Өстенә тастымал каплыйбыз яки капкач куябыз. Кабарган камырдан пиццалар ясыйбыз, аңардан ике пицца чыга.

Фото: нейросеть

Авыл хатыны

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.