Әтәч гөмбәсе буенча киңәшләр

Әтәч гөмбәсен (лисичка) озак вакыт саклау өчен катырырга куйганчы, башта юалар, аннан 10 минут салкын суда тоталар һәм майда кыздырып алалар.
* * *
Бу гөмбәне кыздырыр алдыннан пешермиләр. Пешерсәң, тәме югала. Әтәч гөмбәсен ашка да кыздырып салырга кирәк.
* * *
Гөмбәне юып, тастымалга салып китергәч, майсыз кызган табага салалар. Тоз сипмиләр, гөмбәне болгатмыйлар, вакыт-вакыт табаны селкеткәләп кенә алалар (гөмбәләр вакланып бетмәс). Бераздан гөмбәләрнең согы бүленеп чыга башлый. Ул чыгудан туктауга, суын түгеп, зәйтүн мае, сары май һәм вакланган сарымсак салалар. Табаны селкеткәләп, гөмбәләрне 6-7 минут кыздыралар. Тоз сибәләр. Төелгән бәрәңгегә кушып ашаганда бик тәмле була.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.