Зәйдә актив ветераннар бүләкләнде

Александр Николаевич  бу көннәрдә 70 яшьлек юбилеен билгеләп үтте. Ул төрле елларда җаваплы вазифалар башкарды: “Сельхозтехника” берләшмәсендә техник хезмәт күрсәтү буенча директор урынбасары, автотранспорт предприятиесендә производство -техник бүлек башлыгы, соңрак баш инженер һәм шактый еллар Баграж авыл җирлеге башлыгы булып эшләде. Лаеклы ялга да шуннан китте. 2013 елдан ул - Баграж авыл җирлеге ветераннар советы рәисе.

- Александр Николаевич - тырыш, инициативалы кеше. Аның җирлек өчен тарихка керерлек эшләренең берсе авыл халкы һәм Баграж авыл җирлеге Советы белән берлектә Сарсаз-Баграж авылында Бөек Ватан сугышында яу кырында ятып калган, шулай ук сугыштан исән-имин әйләнеп кайткан авылдашлар истәлегенә  мемориаль комплекс эшләүдә оештыру эшләрен башлап йөрү булды, - ди Геннадий Хәлиуллин.

Александр Черновка Рәхмәт хаты  район ветераннар хәрәкәтен үстерүгә, авыл җирлеге традицияләрен саклауга саллы өлеш кертүе өчен тапшырылды.

Шәһәрдәшебез  Нина Симонова исә 80 яшьлек юбилеен билгеләп үтте. Ул 2001 елдан  Зәй  кондитер фабрикасы ветераннар советын җитәкли. Нина Анатольевна -гомерен мәгариф тармагына багышлаган, 25 ел педагогик стажы булган шәхес. Ул һөнәри белем бирү системасында эшләгән – һөнәр  училищесында  директор  урынбасары була һәм лаеклы ялга чыкканчы, 10 ел кондитер фабрикасында эшли.

- Нина Анатольевнага 80 яшь бирерлек тә түгел. Ул хәзер дә актив, - ди Геннадий Хәлиуллин.

Юбилярларны  “Форпост” оешмасы җитәкчесе, район ветераннар советы рәисе урынбасары Алексей Алексеев һәм җаваплы сәркатип Валентина Миннебаева да котлады.

Александр Николаевич  бу көннәрдә 70 яшьлек юбилеен билгеләп үтте. Ул төрле елларда җаваплы вазифалар башкарды: “Сельхозтехника” берләшмәсендә техник хезмәт күрсәтү буенча директор урынбасары, автотранспорт предприятиесендә производство -техник бүлек башлыгы, соңрак баш инженер һәм шактый еллар Баграж авыл җирлеге башлыгы булып эшләде. Лаеклы ялга да шуннан китте. 2013 елдан ул - Баграж авыл җирлеге ветераннар советы рәисе.

- Александр Николаевич - тырыш, инициативалы кеше. Аның җирлек өчен тарихка керерлек эшләренең берсе авыл халкы һәм Баграж авыл җирлеге Советы белән берлектә Сарсаз-Баграж авылында Бөек Ватан сугышында яу кырында ятып калган, шулай ук сугыштан исән-имин әйләнеп кайткан авылдашлар истәлегенә  мемориаль комплекс эшләүдә оештыру эшләрен башлап йөрү булды, - ди Геннадий Хәлиуллин.

Александр Черновка Рәхмәт хаты  район ветераннар хәрәкәтен үстерүгә, авыл җирлеге традицияләрен саклауга саллы өлеш кертүе өчен тапшырылды.

Шәһәрдәшебез  Нина Симонова исә 80 яшьлек юбилеен билгеләп үтте. Ул 2001 елдан  Зәй  кондитер фабрикасы ветераннар советын җитәкли. Нина Анатольевна -гомерен мәгариф тармагына багышлаган, 25 ел педагогик стажы булган шәхес. Ул һөнәри белем бирү системасында эшләгән – һөнәр  училищесында  директор  урынбасары була һәм лаеклы ялга чыкканчы, 10 ел кондитер фабрикасында эшли.

- Нина Анатольевнага 80 яшь бирерлек тә түгел. Ул хәзер дә актив, - ди Геннадий Хәлиуллин.

Юбилярларны  “Форпост” оешмасы җитәкчесе, район ветераннар советы рәисе урынбасары Алексей Алексеев һәм җаваплы сәркатип Валентина Миннебаева да котлады.

Тулырак: http://zainsk-rt.ru/news/traditsiyalrne-saklap/zyd-aktiv-veterannar-blklnde