Йортлар төзелеше тукталмый

Ел башыннан республикабызда  1,5 миллион квадрат метр торак төзелеп файдалануга тапшырылган. Ягъни, еллык төзелеш планы 54 процентка үтәлгән.

Шәхси йорт төзелеше буенча да планның 56 проценты үтәлгән инде. Аерым хуҗалар тарафыннан барлыгы 6 мең 930 йорт төзелгән.

Коммерция нигезендә еллык төзелеш планының үтәлеше – 42,5 процент. 

Татарстан Президенты Рөстәм Миңнеханов уздырган киңәшмә барышында республиканың төзелеш, архитектура һәм торак-коммуналь хуҗалык министры Марат Айзатуллин шулар хакында хәбәр иткән.  Министр, шулай ук, мәдәният объектлары төзелешенең тормышка ашырылуына да тукталган. Республикада алты ябык футбол манежы, бер чаңгы базасы төзүгә керешелгән. Өч универсаль спорт мәйданчыгы төзелеше башланган.

Фото: pixabay.com