Вадим Захаров: "Ходай сәламәтлектән аермасын" Видео

- Әйе, ун көнләп больницада ятып чыктым. Ай-хай читен икән авырып яту, берәүгә дә язмасын, барыбызның да сәламәтлекләр нык булсын. Хәзер барысы да яхшы, мәш килеп юбилей концертыма әзерләнәм, - дип телефоннан тынычландырды Вадим.

Чыннан да, карендәшебезнең сәхнәгә менүенә ун ел уңаеннан, зур кичә әзерләнә икән. Ун ел буена бергә эшләгән дуслары, киңәш биргән остазлары да чыгыш ясаячак. Яңа керәшен җырлары да әзерләгән. Хәния Фәрхинең якты истәлегенә багышлап, мәрхүмәнең репертуарыннан да бик моңлы җыр өйрәнгән. Хәния Фәрхи исән чакта, зур хөрмәт белән Вадим әлеге җырны башкарырга ризалык алган булган. Репетиция вакытын видеога төшереп куйгач та, Инстаграм кулланучылары бик җылы кабул иткән.