Усы мәктәбендә – мәрхәмәтлелек акциясе

Ярминкәдә Мөслим муниципаль районы башлыгы урынбасары Азат Әхмәтҗанов, җирлек җитәкчелеге, укучылар, мәктәп укытучылары һәм башкалар катнашты. Ул “Игелек кыл” дигән класс сәгате белән башланды.

Усы мәктәбендә ныклы бер традициягә әйләнгән бу мәрхәмәтлелек акциясендә  укучылар үзләренең әти-әниләре белән бергәләп пешергән ризыкны саттылар.

  Ярминкә барышында тәм-том сатудан кергән акча, күптәнге гадәт буенча, тумыштан инвалид авылдашлары Илинага ярдәм буларак бирелде. Шулай ук, инвалидлар Иван Сергеев, Тамара Тазова, Галия Вәлиева, Сирина Кондратьевага да адреслы ярдәм күрсәтелде.