Уртабагражлылар чаңгыда шуарга ярата

Авылның мәдәният хезмәткәрләре халыкны мәдәни тормышка гына тартып калмыйча, сәламәт яшәү рәвеше алып бару, спорт белән шөгыльләнү, өлкәннәргә ярдәм итү кебек чаралар да оештыра.

Урта Баграж авылы урамнарында көндезләрен генә түгел, кичләрен дә җанлылык.

Өлкәннәр кичен скандивав йөреше буенча чаңгы таяклары тотып урам әйләнә. Чаңгыда шуарга да яратучылар бар авылда. Ялларда авылга читтән кайтучылар да мәдәният хезмәткәрләренә кушылып, чаңгыга баса.

-Кышкы матурлык, саф һава көндәлек мәшәкатьләрдән арындыра. Кышкы матур көндә чаңгыда уздырылган ял күңел күтәренкелеге дә бирә. Безнең авылдашларга чаңгыда бер тау буйларын әйләнеп кайтыйк әле дигән тәкъдимебезгә кушылучылар булды. Рәхәтләнеп чаңгы шуып, бер-беребез белән аралашып, ял көнебезне файдалы уздырдык, -ди Урта Баграж мәдәният йорты директоры Лариса Кузьмина.

Фотолар Урта Баграждан.

Зәй офыклары