Субашта почта элемтәсе хезмәткәрләрен котладылар

11 июль көнне барлык почта элемтәсе хезмәткәрләре һөнәри бәйрәмнәрен билгеләп узалар. Шул унайдан, Теләче районы Субаш авыл мәдәният хезмәткәрләре 20 елдан артык шушы өлкәдә эшләуче Егорова Надежда Николаевнаны һөнәри бәйрәме белән котладылар.

Бүгенге көндә Татарстанның барлык торак пунктларында почта хезмәтләре күрсәтелә. «Татарстан Почтасы»ның барлыгы 1,2 меңнән артык почта бүлекчәсе бар, аларның күбесе авыл җирлегендә урнашкан. Почта элемтәсе өлкәсендә 9 меңнән артык кеше эшли, шул исәптән 3,5 меңе — почтальоннар.