Сәйтәк халкы бердәм булып мобилизацияләнгән якташларына ярдәм күрсәтә

Өлешчә мобилизация игълан ителгәннән соң, аның күпләр өчен аеруча зур мәгънәгә ия булуы ачык күренде.

Илнең төрле почмакларында яшәүче Русия халкының кечесе һәм олысы, мобилизациягә эләккән хәрбиләргә ярдәм күрсәтү максатында, тагын да ныграк берләште. Кайдадыр еракта сугыш, ягъни ирек, матур киләчәк өчен көрәш бара һәм кан коела икән, димәк, тылдагылар да кул кушырып утыра алмый.

  Безгә шушы көннәрдә Менделеевск районының Сәйтәк авылыннан мобилизацияләнгән егетләр өчен ярдәм әзерләүләре турында яздылар

“Көн саен авыл клубында егетләребезгә ярдәм итү буенча хәйрия эшләре алып барыла.Олылар да, балалар да булдыра алганча ярдәм итәләр.Маскировка челтәрләре үрәләр, кием-салым тегәләр, үлән чәйләре киптерәләр.Бергә булыйк, битараф булмаган авыл халкына зур рәхмәт”, – диде клуб мөдире Ясминур Гыйззәтуллина.