Римма Никитина: "Ринат Рахматуллин белән дуэт җырлауны тамашачы ошатты"

- Үземнең репертуарда иң яраткан җырларымның берсе — "Риммам" дигәне. Әлбәттә, җырларым бөтенесе күңелемә якын. Әле һаман бер хыял белән яшим, Татнефть аренада концерт куясым килә, ун мең кеше җыеп. Тик халык үз теләкләре белән, яратып килсен иде. "Мои хорошие зажжем" дип кычкырып, биеп җырларга теләгем бар.
Дуэт җырлау да ошый. Мөнир Рахмаев, Ранил Мусеев (яшь җырчы) белән җырлаганым бар иде. Ринат Рахматуллин белән күптән бергә җырларга планлаштырып йөрдек. Беренче җыр белән чыгыш ясадык. Ринат абыйның үзе иҗат иткән "Ярату" иде ул. Тиздән тагын бер җырыбыз — "Ай-һай иркәм" дигәне дөнья күрәчәк. Аның сүзләрен Хәйдәр Әхмәтшин, көен үзем яздым.
Тамашачыларга дуэт бик ошады, шулай җылы кабул итәрләр дип көтмәгән дә идек. Безнең өчен зур куаныч булды ул, - диде Римма.