Җөри авылында яшь туристларны керәшен культурасы белән таныштырганнар

Гасырлар дәвамында табигатьтәге еллык үзгәрешләргә, бабаларыбызның хуҗалык эшләренә һәм тормыш-көнкүрешенә бәйле рәвештә күп төрле йолалар барлыкка килгән һәм алар буыннан-буынга күчеп бара.
Шушы йолаларны киләчәк буынга калдыру максатыннан, Җөри мәдәният йортында "Көмеш тәңкә" керәшен фольклор коллективы туристлар кабул иткән.
"Безгә Мамадыш районының төрле авыл мәктәпләреннән укучы балалар җыелды. Аларны махсус автобуслар белән алып килделәр. Кунаклар керәшен халкының борынгы киемнәре, "Йөзек салу" йоласы белән таныштылар. Милли ризыклар белән чәй эчтеләр. Очрашу файдалы һәм күңелле булды", - дип хәбәр итте Җөри авылының мәдәният йорты хезмәткәре Римма Игнатьева