Питрәч районының Керәшен Сәрдәсендә соңгы кыңгырау

Кайсыбыз гына җитәкләп белем дөньясына алып кергән укытучыларын, кыңгыраулы мәктәп елларын сагынып искә алмый икән! Керәшен Сәрдәсе авылы мәктәбендә  Соңгы кыңгырау бәйрәмнәре ничек узуы хакында мәдәният йорты сәнгать җитәкчесе Евдокия Никитина хәбәр итте.
"Безнең мәктәптә уналты бала укый. Аларның өчесе — чыгырылыш класс укучылары. Бу укучыларын олы тормыш юлына озата мәктәп. Тынгысыз иртә, чәчәкләр "диңгезе", укучылар, әти-әниләр, дулкынланулар... һәм саубуллашу.  Ак алъяпкычлар аклыгы гомергә юлдаш булсын, ак юллар балаларга! 
 Элек мәктәбебездә бик күп бала укыган. Йөзәр бала чыгарылган еллар да булган. Хәзерге вакытта мәктәп тугызъеллык булып эшен дәвам итә. Капиталь ремонт ясалган, матур, җылы, зур. Бик профессиональ, үз эшләрен яратып башкаручы укытучылар эшли. Коллектив бик дус, тату, бердәм гаилә кебек. Быел ике укучы беренче класска керергә тиеш. Мәктәбезнең директоры — Аргаков Александр Михайлович. Ул күп еллар район мәгариф системасында эшләгән белгеч", - диде ул.