“Нәнәем - күңел кояшым" конкурсының чираттагы катнашучысы - Алена Алексеева

"Әни!"-диеп, дәшәр кешең булу,
Бик зур бәхет шушы тормышта!
Сагыныплар,зарыгыплар көтеп
Куанып тора безнең кайтышка!
Шул арада өстәл хәстәрли ул,
Табын сыгыла мул сый-нигъмәттән!
Әниләрне мәңге яшәтер идем,
Килсә әгәр минем кодрәттән!
"Әни"-сүзе бөек исем ,чөнки ул безне карнында йөртеп,безгә Җан сөргән, сулыш биргән кеше.
Әнием, син һәрчак ачык йөзле, киң күнелле, мәрхәмәтле булдың. Үсеп җитеп яныгыздан чыгып китсәм дә, синең киңэшләреңнән, ярдәмеңнән башка яшәү бик кыен. Әти белән 24 ел бергә матур гомер кичереп, энекәшем Николай белән мина дөрес тәрбия биргән өчен рәхмәт сезгә! Синең җыр-моңга сәләтең безгә дә күчкән.
Минем Әнием 23 ел укытучы һөнәренә тугры булып эшләде. Күпме балага, укучыга беренче хәреф, сан өйрәтеп, иҗектән сүзләр, сүзләрдән җөмләләр язарга өйрәткән кеше.
Әнием, сиңа саулык-сәламәтлек, ак бәхетлэр, озын гомерләр телибез. Без сине бик каты яратабыз!"