Мәлкидә 9 кешегә Кайбыч районының утыз еллыгы медальләрен тапшырганнар

1 февральдә Мәлки һәм Чүти җирлекләрендә халык җыеннары узган. Бу турыда "Кайбыч таңнары" хәбәр итә.

Мәлкидә район башлыгы урынбасары Рәмис Хәялиев залдагыларны җыенда катнашучы район оешма, учреждениеләре вәкилләре белән таныштырды. Ул шулай ук, халык арасында әти-әниләреннән калган пай җирләрен үзләренә теркәми калган кешеләр барлыгын искәртеп үтте. Аның әйтүенчә, алга таба пай җирләренең бәясе шактый артачак.
Мәлки төп мәктәбе директоры Тамара Иванова һәм Байморза авылы фельдшер-акушерлык пункты мөдире Любовь Батманова 2021 елда үзләре башкарган эшләр белән таныштырып үтте.

Алга таба җирлек башлыгы Федор Поляков 2021 елда җирлектә башкарылган эшләргә тулы анализ бирде. Тулаем алганда, район башлыгы Альберт Рәхмәтуллин җирлек эшчәнлеген уңай бәяләде. Намуслы, тырыш хезмәтләре өчен 9 кешегә районның утыз еллыгы медальләрен тапшырды.