Күзләре күрмәүче җырчы Альбина Абрамова ишетмәүчеләргә концерт куйды - видео

«Игелек дөньясы» — «Добрый мир» төркеме 2022 елның октябрендә оештырылган. Ул телсезләр өчен ишарәләр белән җырлый торган бердәнбер татар төркеме. Төркемне оештыручы — КАИда мөмкинлекләре чикле студентлар өчен сурдотәрҗемәче булып эшләүче Әдһәм Юмагулов. Аның әйтүенчә, «Игелек дөньясы»ның үзенчәлеге — тере тавышка җырлау. Бу үзәктә күзләре күрмәгән җырчы, карендәшебез Альбина Абрамова да эшли.

«Бу проект турында күп уйландык. Иң беренче концертыбызны, Аллага тапшырып, декабрьдә куйдык. Аннары февральдә «Чулпан» мәдәният үзәгендә, аннары Лаешта куйдык. Бик уңышлы бара. Барлык җырчыларыбыз да һәркөнне репетицияләргә йөри. Яңадан-яңа җырлар эшләргә тырышабыз. Проектыбыз бик күп еллар дәвам итсен», — диде Альбина Абрамова.