Йолдызлар атылганны күзәтәбезме?

17 нче ноябрьдән 18 нче ноябрьгә каршы төндә сәгатенә 20 метеорга кадәр атылачак.

«Интенсивлык түбән, аның каравы йолдызлар шактый якты булачак», – дип аңлатты В.П.Энгельгардт исемендәге астрономия обсерваториясе директоры, Казан федераль университетының Физика институты профессоры Юрий Нефедьев. 

Атылган йолдызларны таң алдыннан сәгать 0:00 дән 3:00 гә кадәр күзәтү яхшырак, махсус җиһазлар кирәк түгел – иң мөһиме, күкнең аяз булуы һәм шәһәр утлары булмавы. «Бу юлы безгә бәхет елмайды: төньяк ярымшарда йолдызлар аеруча яхшы күренәчәк», – дип билгеләп үтте Ю.Нефедьев. 

Җиргә каршы хәрәкәт иткән метеорик кисәкчәләр секундына якынча 70 километр тизлек белән атмосферага оча, шуңа күрә алар якты эз калдыралар. Атылган йолдызлар – болар балкучы эзләр.

Идел

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.