Җиңү көненә багышланган төрле чаралар дәвам итә

 Балык Бистәсе районының Бирдебәк авылы клубы җитәкчесе Евдокия Толстова, Үри авылы китапханәсе җитәкчесе Рузилә Валиуллина, фельдшер-акушерлык пункты җитәкчесе Исламия Вәлиева да әлеге акциядә актив катнашулары турында хәбәр иттеләр.

Кукмара районының Село-Чура авылы китапханәсе хезмәткәрләре дә: “Бөек Ватан сугышында катнашып, хәбәрсез югалган, һәлак булган каһарман авылдашларыбыз исемнәрен мәңгеләштеруче хәтер бакчасында чистарту, жыештыру, буяу эшләрен башкардык”, – диделәр.

Балык Бистәсе  районының Шеморбаш авылы китапханәсе хезмәткәрләре дә, Җиңүнен 78-еллыгын бәйрәм итү кысаларында оештырылган акциядә катнашты. Сугышта катнашкан авылдашлар хөрмәтенә төзелгән хәтер бакчасында чистарту, агарту, жыештыру һәм юу эшләрен башкардылар.