Яңа ел төрле илдә – төрлечә

Шотландия халкы яңа ел төнендә кунакка барганда – бәлеш кисәге, бер стакан вино һәм бер күмер кисәге алып бара икән. Шулай эшләсәң, ел буе ризыктан, эчемлектән һәм җылыдан аерылмыйсың, имеш.

* * *

Кубада, яңа ел җитәрәк, йортларында булган барлык савыт-сабаны су белән тутыралар. Төн уртасы җиткәч, шул суны тәрәзәдән тышка түгәләр. Бу традиция яңа килгән ел өчен чиста һәм якты юл теләүне аңлата. Ә курантлар сукканда 12 виноград ашйлар. Анысы – игелек, татулык, муллык һәм тынычлык символы. Байларның да, ярлыларның да табынында – яңа елда уңышлы хуҗалык итү һәм байлык билгесе буларак, кара фасольдән әзерләнгән ризык.

* * *

Һиндстанда кешеләр Яңа ел бәйрәменә үзләренең тәннәрен, чәчләрен һәм йортларын янып торган ак, алсу, кызыл, шәмәхә төсләр белән бизиләр. Йорт түбәләрендә утлар балкып тора. Бәйрәм сые итеп, подноска тәм-том, чәчәкләр һәм кечкенә бүләкләр салалар.

* * *

Кытайда Яңа ел чыршысы урынына Яктылык агачын бизиләр. Агачка фонарьлар, чәчәкләр һәм гирляндалар эләләр. Чәчәкләрдән нәркискә (нарцисс) өстенлек бирәләр. Яңа ел бәйрәмендә сүгенү, оятсыз мәгънәгә ия сүзләр сөйләү катгый тыела.