Геннадий Макаровның уен коралларын "Әкият" курчак театрында күрергә була

"Җырла, Курай!.. Уйна, Шомбай!" дип исемләнгән музыкаль спектакль үз эченә "Ай һәм Зөһрә", "Өч күгәрчен", "Шомбай", "Тегүче, аю, шайтан баласы" әкиятләрен туплаган.  Спектакльдә 5 ир-ат катнаша. Актёрларның берсе - карендәшебез, Татарстанның атказанган артисты Юрий Чуктиев.

Спектакльдә борынгы уен кораллары - думбыра, дәф, курай, гөслә кулланыла. Әлеге уен коралларын танылган этномузыка белгече, сәнгать фәннәре кандидаты, Россия Композиторлар берлеге члены, Казан консерваториясенең татар музыкасы һәм этномузыка белеме кафедрасы доценты, Татарстан Республикасының атказанган сәнгать эшлеклесе Геннадий Макаров әзерләгән.

Спектакльдән күренеш

Иртәгә спектакль 13.00 сәгатьтә "Әкият" театрында куелачак.

0+

Фото: Татар дәүләт «Әкият» курчак театры сайтыннан алынды