Беренче урын мәләкәслеләрдә

Яр Чаллы Дәүләт педагогия университетында «Путь к успеху» россиякүләм конкурсының регионара этабы узды. Анда Түбән Кама, Әлмәт, Мамадыш, Сарман, Әгерҗе һәм башка район мәктәпләре белән бергә Тукай районыннан да 11 мәктәп укучылары – барысы 88 бала катнашты, - дип "Якты юл" хәбәр итә.

Квест-уен форматында узган әлеге хәрби-тарихи ярышларда автоматны сүтеп-җыю, физик яктан һәм тарихи фактларны белүдә көч сынашып, районыбыз укучылары үзләрен иң-иңнәре итеп күрсәтте. Нәтиҗәдә, Мәләкәс авылы мәктәбе беренче урынны, Мусабай-Завод мәктәбе – икенче, Яңа поселогы мәктәбе өченче урынны яуладылар. Җиңүчеләр төрле номинацияләрдә грамоталар һәм кубоклар белән бүләкләнде.   

Фото Мәләкәс мәктәбеннән алынды