"Багалмам" юбилейга әзерләнә

Ансамбль 12 кешедән тора, иң яшенә 32 яшь булса, иң олысына – 87 яшь.  Ансамбль кыска гына вакыт эчендә бик күп уңышларга иреште:
-3 ел рәттән Питрау керәшен бәйрәмендә җиңү яуладылар;
- республика күләмендәге “Безнең йортыбыз – Татарстан” фестивалендә лауреат исеменә лаек булдылар;
- республика күләмендәге 5нче һәм 6нчы “Балкыш” фестивалендә дипломнар белән бүләкләнеп, Казанда Гала-концертта катнаштылар;
- Чуваш Республикасының  "Урмай-Зәлидә" төрки дөнья традицион мәдәнияте фестивалендә I дәрәҗә диплом белән бүләкләнделәр;
-“Алтын-Мәйдан-Кырым” халыкара инклюзив фольклор фестиваль-конкурсының 8 номинациясендә катнашып, җиде – 1нче урын,  бер 3нче урын алып кайттылар;
- республика керәшен мәдәнияте фестивалендә 3 нче дәрәҗә лауреат булдылар.
“Менә инде 5 ел вакыт та үтеп китте. 29 апрель көнне ансамбль үзенең 5 еллык юбилей концертын үткәрергә җыена. Концертка Казаннан кунаклар килер, дип көтелә. Шулай ук, бәйрәмгә Түбән Кама, Алексеевск, Яңа Чишмә һәм Чистай районнарыннан керәшен ансамбльләре дә чакырулы”, – дип хәбәр итте безгә Чистайдан Елизавета Цыганова.