"Айбагыр" унберенче мәртәбә балалар җыя

Этносмена быел Яшел Үзән районының өр-яңа "Мирас" лагеры базасында үткәреләчәк. Төрле районнан 78 баланың килүе көтелә. "Айбагыр"ны ачу тантанасы 6 август көненә билгеләнгән.

"Лагерь унсигез көн дәвамында эшләячәк, ягъни 4 августтан алып 21енә кадәр дәвам итәчәк. Быел программа узган елныкыннан аерыла, балалар белән төрле юнәлештә эшләячәкбез. Вожатыйлар, нигездә, үткән елларда "Айбагыр"га ял итәргә килгән балалар. Мәсәлән, Аида Сахарова, Кирилл Чернышев, Лиана Самойлова, Анна Киселева, Денис Михайлов, Эмилия Маямсина, Арсений Михайлов, Ксения Костромина кебек вожатыйларыбыз смена башлануын зарыгып көтә. Балаларны каршы алырга әзербез", - ди смена җитәкчесе Юлия Дувалова.