Зичәбаш, Ленино авылы зиратларында зур өмә узды

Бу сүзләрнең тирән мәгънәсен аңлап,  Яңа Чишмә районының Ленино авылында бик изге эш башкарылды.

«Авылыбызның битараф булмаган кешеләре һәм бюджет оешмалары хезмәткәрләре бердәм булып, зират коймаларын буяп чыктылар. Бу эшкә кирәкле буяулар үзара салым акчасына сатып алынды. Авылыбызның чисталыгы һәм тәртибе өчен җан атып, үз вакытларын кызганмыйча ярдәмгә килгән һәркемгә чиксез рәхмәтемне белдерәм», – диде авыл җирлеге башлыгы Светлана Питеркина. Авыл өчен борчылып, тирә-якны тәртиптә тотучы  кешеләр булганда, авылларыбыз яшәрә, йола-гадәтләребез дә саклана.

Шулай ук, Зәй районының Зичәбаш авылында да зур өмә узды — анда зират коймалары яңартылды.

«Табигать тә безгә ярдәм итте: эш барышында болытлар килеп-китеп торса да, яңгыр нәкъ эшләр тәмамлангач кына ява башлады. Ходай ярдәме белән, барысына да өлгердек», – дип яздылар зичәбашлылар.