Хуҗахәсәнлеләр Кушкүл авылында спектакль күрсәтте

Туганайлар, 24 август 2025 - 07:53

227

Театр – сәнгатьнең иң гүзәл төре. Ул кешеләрне көлдерә дә, елата да, уйландыра да. Без бүгенге тормышыбызны театрдан башка күз алдына да китерә алмыйбыз.

Хуҗахәсәнлеләр Кушкүл авылында спектакль күрсәтте

Чөнки ул – тормышның көзгесе. Ел саен традиция буенча, Кайбыч районында «Сәхнә көзгесе» дип исемләнгән фестиваль үтә.

Быел ул Бөек Җиңүнең 80 еллыгы һәм Ватанны саклаучылар елына багышлана.

Районның "Күңел көзгесе" фестивале кысаларында, Күшкул авыл мәдәният йортында Шәриф Хөсәенов пьесасы буенча куелган, “20 елдан соң” спектакленнән өзек күрсәтелде.

“Хуҗа Хәсән авылы мәдәният йорты артистларының чыгышы беркемне дә битараф калдырмады. Барлык тамашачылар да тын да алмый карадылар. Бу истәлекле кичә өчен барлык катнашучыларга зур рәхмәт. Тамашаны күңелле җырлар дәвам итте”, – дип язды авылның мәдәният йорты җитәкчесе Анюта Матвеева.

"Күңел көзгесе" район фестивале кысаларында, Янсурин МФЦда эшләүче "Дуслык" театр һәвәскәр коллективы, Иске Тәрбит авылында спектакль күрсәтте. Тамашаны "Соравыл" фольклор һәвәскәр коллективы, үзенең күңелле җырлары белән дәвам итте.