Субаштан Зоя Павловага күкрәк билгесе тапшырылды

Зоя Павлова – 40 елга якын балаларга белем биргән, 25 ел профсоюз оешмасы җитәкчесе булып эшли. 1987 елда – «Нардуган» фольклор ансамблен, 2008 елда «Сүрәкә» балалар фольклор ансамблен оештыра. Гаиләсе белән «Нечкәбил» конкурсында да катнашканы бар. Аның хезмәте югары бәяләнә: Татарстан Дәүләт советы председателе Фәрит Мөхәммәтшинның Рәхмәт хаты һәм, шулай ук, яшь буынга тәрбия бирүдәге, халыкның милли традицияләрен ныгыту өлкәсендәге тырышлыгы өчен, Хезмәт, мәшгульлек һәм социаль яклау министрлыгының Мактау грамотасы тапшырылган.

Ә быел, мәдәният хезмәткәрләре көне уңаеннан Зоя Ивановна, «Мәдәнияттә казанышлары өчен» күкрәк билгесе белән бүләкләнде. 

Фәнил Нигматҗанов, Алиса Ахметшина фотолары.