Нагайбәктәге карендәшләребез Париж ярым марафонында керәшен җырулары башкарды

Париж авылында оештырылган бу марафон – ел да уздырылга торган спорт чарасы. Быел ул унынчы мәртәбә уздырылды. Марафон кысаларында төрле дистанциядә йөгерделәр. Спорт ярышыннан тыш, ике көн дәвамында төрле мастер-класслар, ярминкә оештырылган, фотозона эшләгән. 

Шулай ук, кунаклар өчен зур концерт та булган. Анда Нагайбәк округындагы карендәшләребез яши торган Остроленкодан (Бакалы ягындагы Сарашлы керәшеннәре нигез салган авыл) фольклор ансамбле дә чыгыш ясаган. Остроленко үзәкләштерелгән клуб системасының үзешчән сәнгать хезмәткәрләре бу ярым марафонның ике көнендә дә актив катнашканнар.

Фото: Остроленко үзәкләштерелгән клуб системасы сайтыннан.